Un proxecto educativo que cambia vidas
ACNUR Loco Festival é un proxecto educativo impulsado polo Comité español de ACNUR para concienciar o alumnado sobre a situación das persoas refuxiadas e a importancia de se implicaren activamente na defensa dos Dereitos Humanos.
PROPOSTA EDUCATIVA
Propón un proxecto de Aprendizaxe-Servizo que fomenta a educación en valores, a solidariedade, a paz e a defensa dos Dereitos Humanos. Converte o alumnado en protagonista do proceso de ensino-aprendizaxe e estrutúrase en tres fases, que cada centro ou docente poderá desenvolver coa profundidade que desexe.
Descargar unha demo
Fase de sensibilización
Mediante unha serie de recursos e actividades, poñémonos na pel das persoas refuxiadas e desprazadas e coñecemos o labor que realiza ACNUR para as axudar a restaurar os seus dereitos.
De 1 a 3 sesións
Fase de Acción-Cooperación
Divididos en diferentes comisións e equipos de traballo, levamos a cabo unha acción de concienciación social na nosa contorna mediante a organización dun evento solidario.
3 sesións
Fase de
reflexión
reflexión
Por último, reflexionamos sobre a experiencia vivida, os logros acadados e a importancia de seguir implicándonos na protección dos dereitos humanos.
1 sesión
COMO PARTICIPAR?
O Loco Festival é un proxecto aberto a toda a comunidade educativa española. Nel poden participar centros de educación formal e non formal, escolas de música, asociacións e entidades socioeducativas. Pódese levar a cabo desde un centro ou como proxecto municipal.
Máis información
1
Rexistrádevos na plataforma e descargade os materiais didácticos para desenvolver o proxecto: cun grupo ou varios, como proxecto de centro, desde unha materia ou de xeito interdisciplinar.
2
Vinculade a experiencia educativa co momento do curso que prefirades: semana dos Dereitos Humanos, Nadal, Día Escolar da Non Violencia e a Paz, semana cultural, fin de curso…
3
Culminade o proxecto coa celebración dun evento solidario (concerto, recital, exposición, xornada…) e convidade a vosa comunidade a formar parte desta gran rede de tolos e tolas por cambiar o mundo.
