Centros grandes, pequenos, escolas rurais, institutos de cidades, nenos e nenas de primaria, adolescentes de bacharelato, pais, nais, veciños e veciñas… A enerxía e a paixón de docentes comprometidos, a infinita creatividade do alumnado e a inesgotable dedicación das familias deixaron escenas tan divertidas, entrañables e tolas coma estas.

• Nos oito centros da rede Gredos San Diego déronlle a benvida á primavera cunha gran xornada solidaria na que se implicou toda a comunidade.
• Os alumnos e alumnas do IES Illa de Ons percorreron Bueu (O Morrazo) cos seus tambores para avisar a toda a vila de que se aveciñaba un tremendo Loco Festival.
• No CRA Las Cañadas, de Aguilafuente (Segovia), o photocall foi o paso previo a unha xornada ateigada de sorpresas.
• Desde Ceuta, os rapaces e rapazas de Santa Micaela demostraron que pequenos e grandes poden traballar xuntos cando os une unha causa común.
• Na Escola Mare de Déu de Núria de Barcelona e o IES Almussafes de Valencia, as artes plásticas convertéronse nunha poderosa ferramenta de concienciación.
• En Potries (Valencia), a vila enteira ceou ACNURguesas para apoiar a iniciativa e mais o enxeño dos seus “locos bajitos".
• E o tribunal do melón do CEIP 12 de Octubre de Badaxoz repartiu premios e sorrisos a todo o que pasaba por alí ese día.
• Como colofón, o 22 de xuño, no marco das conmemoracións polo Día Mundial das Persoas Refuxiadas, celebramos un gran evento final no Palacio de Cristal de Madrid, coa participación de Payasos Sin Fronteras, Barei, Ana Mena, Laura Durand e Atacados.